Víctor: Galicia é unha rexión afortunadísima de ter dous equipos do nivel do Dépor e do Celta

Insiste o técnico deportivista que "o máis bonito é que o afeccionado do Deportivo poida acudir a Balaídos con normalidade, con naturalidade, cos seus amigos a compartir unha festa; e que a afección do Celta poida tamén vir á Coruña pois sen ter temor a ningún acto vandálico, nin descualificacións nin insultos. Pódese vivir un espectáculo cunha rivalidade absolutamente sa. É o máis bonito. Galicia é unha rexión afortunadísima de ter dous equipos do nivel do Dépor e do Celta en Primeira División. E temos que seguir estando aí. Agora somos dous equipos que estamos a chamar a atención no fútbol español, cada un co noso obxectivo".

Do partido, Víctor asegura que "para min sempre que xogamos en casa somos favoritos fóra dos partidos ante o Real Madrid e o Barcelona. Xogas once contra once pero o factor campo creo que nos ten que axudar. Estou convencido que mañá, que creo que se vai a encher o campo, a xente ten ganas de axudar, de empuxar e de gozar. Para nós é un punto a favor".

Estima o técnico branquiazul que o Deportivo non chegou ao seu teito esta tempada: "Aínda podemos afinar máis. Aínda podemos mellorar máis. Os resultados vannos a dar confianza. Sei que a nosa afección vai estar aínda máis próxima a nós e entre todos imos conseguir o obxectivo. Mañá temos un gran rival, un rival importante, con moi bo fútbol. Pero nós tamén temos as nosas armas, que cada día as estamos desenvolvendo mellor".