Esta tarde, baixo unha intensa choiva, o Deportivo regresou aos adestramentos no campo 2 de Abegondo.
Ao suspenderse o Dépor-Betis previsto para esta noite ás 20:45, Gaizka Garitano citou aos seus futbolistas na cidade deportiva ás 16:30, ademais dos fabrilistas Arnau e Carlos López, mediocentro recentemente incorporado ao filial deportivista.
Exercitáronse sobre o céspede todos os futbolistas. Só quedou no ximnasio Davy Roef, con algunha molestia nun nocello.
A sesión consistiu nun partido once para once, con Gaizka Garitano de árbitro.
Mañá sábado 4 de febreiro está previsto un novo adestramento, o último desta estraña semana sen fútbol ligueiro. Será ás 10:30 en Abegondo.
