O mércores 3 de abril, El Corte Inglés de Marineda City recibe o Tour de LaLiga para achegar os trofeos de LaLiga Santander, LaLiga 1|2|3, o trofeo de mellor xogador MVP e o balón oficial da competición a todos os afeccionados coruñeses.
Os encargados de inaugurar o tour na cidade serán os xogadores do Real Club Deportivo Álex Bergantiños e Quique González que asinarán autógrafos e realizaranse fotos cos seguidores e deportivistas que se acheguen ao departamento de Deportes do centro (2ª planta) a partir das 19:00 h.
Até o sábado 6 de abril, todos os clientes que acudan ao espazo LaLiga poderán fotografarse cos trofeos expostos. Ademais, poderán participar no concurso da “portería de precisión”, onde cada xogador terá catro oportunidades para conseguir a máxima puntuación e acceder a descontos e premios directos (mochilas, toallas, pack oficial de produtos licenciados de LaLiga, etc.). Esta acción enmárcase no acordo asinado polo Corte Inglés e LaLiga para patrocinar o tres próximas temporadas das competicións de LaLiga Santander (Primeira División) e LaLiga 1|2|3 (Segunda División). Pola súa banda, Viaxes El Corte Inglés é a Axencia de Viaxes oficial de LaLiga para o tres próximas temporadas.
