28/10/1944 - 28/10/2014: Riazor cumpre 70 anos
Tal día como hoxe, fai 70 añvos, inaugurábase o Estadio Municipal de Riazor nun partido como o disputado hai unha semana ante a Valencia, aínda que con distinto resultado: 2-3. O, por aquel entón, novo Riazor, sustituíá o vello campo
O custo da construción do estadio excedeu no seu día o cinco millóns de pesetas (30.000 €) e a súa estética reflectía un deseño típico da arquitectura monumentalista da Alemaña de entreguerras. O Dépor pasaba así de xogar nun campo modesto a un dos máis grandes de España. O recinto ocupaba 39.325 metros cadrados e o seu terreo de xogo era máis grande que o actual -105 por 74 fronte a 105 por 68-. A súa capacidade foi a máis alta de toda a historia con 37.000 espectadores sentados e 60.000 de pé. Estas cifras dan idea do monumentalismo de Riazor, o cal se acentuaba por varios elementos singulares.
Un deles, a longa columnata con arcadas a modo de fachada que enfrontaba a praia de Riazor; outro o era o propio deseño do estadio, con pistas de atletismo e forma de ferradura á maneira dos recintos clásicos. A chamada bancada elevada, situada no lugar da actual Preferencia, foi unha das maiores de España no seu día. As vellas fotografías de Riazor permiten ver unhas celosías cruciformes que pechaban as bancadas e que aínda se conservan na parisiense pista central de tenis de Roland Garros. Por último un xigantesco obelisco de máis de 45 metros resaltaba desta forma o eixo axial do campo.La Torre de Marathon non era senón un miradoiro para seguir en panorámica as probas atléticas, fundamentalmente o maratón que se disputaba pola cidade e finalizaba no estadio.
Riazor era un recinto enorme para a propia Coruña, pois nas súas bancadas cabía a metade dos seus 120.000 habitantes. De feito na tempada 1946-47 Riazor foi a sede da final de Copa entre o Real Madrid e o Espanyol (2-0).
Con motivo do Mundial de 1982, o Estadio sufriu a súa primeira gran remodelación, xustificada pola necesidade de ampliar o aforamento. Perdeu o seu encanto orixinal e as pistas de atletismo víronse limitadas a seis cales, o que condicionou a partir dese momento o seu uso para competicións de carácter internacional. Xa na tempada 83-84 o Concello e o Deportivo acordaron, a través dun convenio, a cesión do Estadio por un período de cincuenta anos, ao prezo simbólico dunha peseta anual.
No ano 2000 este acordo de colaboración entre o Concello e o Deportivo foi revisado axustándose aos novos tempos e ás necesidades do Club e da cidade. O Estadio de Riazor fora remodelado ao longo da década anterior, perdendo a súa forma de ferradura, achegando o fondo de Marathon ao terreo de xogo e construíndo outro simétrico enfronte, o de Pavillón. Ademais da construción destas bancadas, o estadio tivo que adecuarse á normativa da UEFA para que o equipo participase, por primeira vez, na máxima competición europea, a liga de Campións.
Desde entón, escalonadamente, o Club ha ido acometendo outras melloras, como a construción dos Palcos VIP. Nos últimos meses iniciáronse obras para, aos poucos, mellorar a comodidade de todos os afeccionados que acoden ao estadio para seguir gozando, como desde hai 70 anos, da gran cita co seu equipo: os partidos que o Dépor xoga, desde o 28 de outubro de 1944, no Estadio Municipal de Riazor.
