O Dépor retoma os adestramentos no Dépor Training Center este martes 17 de marzo no horario habitual das 10:30 horas.
No Estadio Alfonso Murube, Arnau Comas non ocultou que o obxectivo este sábado 21 de marzo ás 21:00 (LaLiga TV Hypermotion e Fútbol 2, dispoñible tamén en DIGI TV e outras plataformas) fronte o Real Zaragoza é "unha vitoria en ABANCA-RIAZOR e os 3 puntos, que é o que queremos máis".
O triunfo sobre o AD Ceuta FC, cuxos mellores momentos podes ver ao pé destas liñas, e os resultados do resto da xornada deixaron a Os Nosos en 2ª posición con 52 puntos, os mesmos que a UD Almería (3º).
Adrià Altimira pide "vivir o presente. Agora mesmo estamos segundos. Hai que valorar na posición que estamos, todo o que facemos, e centrarnos en nós".
O lateral deportivista, autor do tanto da vitoria no campo ceutí, cre que "é importante seguir nesta dinámica, sobre todo coa actitude que demostramos. E darlle unha alegría a #ANOSAFORZA".
O corpo técnico dispuxo 4 sesións de traballo matinais no Dépor Training Center con esta planificación:
Martes 17 de marzo
10:30 h.
Mércores 18 de marzo
10:30 h.
Xoves 19 de marzo
10:30 h.
Venres 20 de marzo
10:30 h.
Sábado 21 de marzo
21:00: Deportivo - Real Zaragoza, en ABANCA-RIAZOR