RCDeportivo RCDeportivo RCDeportivo
Skip to main content
PORTADA

A psicóloga Patricia Ramírez realizará dúas sesións en Vilalba co cadro deportivista

A psicóloga Patricia Ramírez estará mañá martes e pasado mércores na concentración do Deportivo no hotel Attica 21 de Vilalba, co obxectivo de realizar exercicios de pretemporada, divididos en dúas sesións, cos futbolistas branquiazuis. Traballaranse as seguintes variables e conceptos psicolóxicos:

-Establecer un código de valores co que esforzarse e ser coherentes ao longo da temporada
-Dinámicas de cohesión e cooperación para fortalecer o coñecemento do grupo
-Establecer obxectivos individuais e de equipo que contribúan o obxectivo grupal
-Comprender a importancia dos pensamentos e emocións en rendemento deportivo ao longo da temporada

Patricia Ramírez é licenciada en psicoloxía; máster en psicoloxía clínica e da saúde; e doutoramento no Departamento de personalidade, avaliación e tratamento psicolóxico da Universidade de Granada.

Ademais de ser autora de varios libros, foi colaboradora de varios programas de televisión como 'Estudio Estadio' ou 'Saber Vivir'; ademais de articulista en xornais como El País ou Marca.

Actualmente realiza tarefas de 'coaching' con futbolistas de Primeira, Segunda e Segunda División B; adestradores e membros de corpos técnicos. Ten experiencia en equipos de fútbol (RCD Mallorca) e baloncesto (CB Granada), entre outros.