A RC Deportivo Fundación pon en marcha o Dépor Campus Cabreiroá Nadal 2025, nesta edición con dúas novas sedes: o Dépor Training Center e o colexio Santa María del Mar, que se unen ás xa tradicionais de Alvedro, Sada, Pontedeume e o Club do Mar da Coruña.
Dirixido a nenos e nenas entre 6 e 14 anos, fomenta valores como o xogo limpo, o respecto polo rival, o esforzo, a solidariedade e a amizade a través do deporte.
Están habilitados dúas quendas nesta edición de 2025. A primeira será o luns 22, martes 23 e mércores 24 de decembro de 10:00 a 14:00 horas; e a segunda o luns 29, martes 30 e mércores 31 de decembro co mesmo horario, de 10:00 a 14:00 horas.
O Dépor Campus Cabreiroá Nadal 2025 implanta a metodoloxía Dépor cos adestradores de ANOSACANTEIRA. Está previstas actividades sorpresa, sorteo de agasallos e diplomas a todos os nenos e nenas, ademais de snaks saudables durante a actividade en colaboración con FEIRACO e GADIS.
Os abonados e abonadas do RC Deportivo teñen desconto.
A oferta das diferentes sedes é a seguinte:
-Alvedro, en PadelPlus.
Están habilitados as dúas quendas con estes prezos: 1 semana 95 euros e 85 con desconto; e as 2 semanas 170 euros, 150 con desconto.
-Pontedeume, no campo de fútbol da Gándara.
Dispoñible a 2º quenda, do 29 ao 31 de decembro, con estes prezos: 80 euros a tarifa xeral e 70 con desconto (extensible aos xogadores e xogadoras do Eume Deportivo).
-Colexio Santa María del Mar.
Dispoñible a 2º quenda, do 29 ao 31 de decembro, con estes prezos: 80 euros a tarifa xeral e 70 con desconto (ao que se poden acoller os alumnos do centro).
-Club del Mar en San Amaro (A Coruña).
Dispoñible a 2º quenda, do 29 ao 31 de decembro, con estes prezos: 80 euros a tarifa xeral e 70 euros con desconto (exclusivamente para socios do Club del Mar).
-Sada, no campo de fútbol de As Mariñas.
Dispoñible a 1º quenda, do 22 ao 24 de decembro, con estes prezos: 80 euros a tarifa xeral e 70 euros con desconto (ao que se poden acoller os socios do Sada CF).
-Dépor Training Center.
Dispoñible a 1º quenda, do 22 ao 24 de decembro, con estes prezos: 95 euros a tarifa xeral e 85 con desconto. A maiores esta sede ten a opción de autobús os 3 días cun suplemento de 15 euros.
Os interesados poden formalizar a súa inscrición na seguinte ligazón.