-Foto:@rfef.es
Antía Veiga (na foto na fila de arriba a xogadora con camiseta verde) proclamouse coa selección española sub-16 campioa do Torneo Desarrollo UEFA que se disputou estes días en Irlanda do Norte.
Ás españolas lles valía hoxe un empate ante Bélxica no terceiro e último partido; e foron capaces de vencer (0-3).
A canteirá branquiazul comezou o encontro no banco e saltou ao céspede no minuto 46 en substitución de Clara Raspall.
Antía foi titular no triunfo español (5-0) ante a anfitrioa Irlanda do Norte na segunda xornada. Foi substituída no minuto 46 por Alba Fortes.
Por contra, seguiu desde o banco a vitoria de España (2-1) ante Islandia no primeiro partido.
Os resultados dos partidos de España sub-16 foron os seguintes:
Domingo 10 de marzo
ESPAÑA 2 - ISLANDIA 1
Martes 12 de marzo
IRLANDA DO NORTE 0 - ESPAÑA 5
Venres 15 de marzo
BÉLXICA 0 - ESPAÑA 3
Antía Veiga, que regresou á Coruña ao longo de hoxe venres, é un dos membros de #ANOSACANTEIRA que están no radar das categorías inferiores das seleccións nacionais dos seus países, como Kevin Sánchez, José Rey, Pablo García, Elena Vázquez e Lucía Rivas con España; Álex Delgado con Venezuela; e Amin Mustapha e Dunia Dahmouni con Marrocos.
