O Rayo Majadahonda puxo á venda as entradas para a afección deportivista para o encontro da 29ª xornada do grupo 1 de Primera Federación que se disputará no Cerro do Espino, en Majadahonda (Madrid), o sábado 23 de marzo ás 18:00 horas.
O club madrileño asignou inicialmente un total de 1.207 localidades para os afeccionados deportivistas. As entradas oscilan entre os 15 e os 20 euros. As de 15€ están situadas no fondo do estadio e son un total de 324 entradas, mentres que as 883 restantes teñen un prezo de 20€ e están situadas na bancada lateral.
As entradas poden adquirirse a través desta ligazón: https://majadahonda.compralaentrada.com/eventos/10083/9763
