Actualización da clasificación histórica da liga (1)

A Clasificación Histórica da liga non constitúe unha lista ou táboa oficial para a valoración do rango histórico dos clubs, pois de feito a Real Federación Española de Fútbol non elabora nin confeccionou ningunha Clasificación Histórica que poida reputarse como oficial. No entanto dita táboa de honra existe de forma oficiosa, sendo revisada desde hai anos por algúns medios de comunicación e colectivos de afeccionados.

Unha vez actualizados os datos da tempada 2000-2001 conclúese que o Real Club Deportivo consolidou a súa posición entre o quince primeiros equipos da liga no tocante a puntos obtidos na mesma, que é o principal criterio ordenador do ranking histórico. Concretamente o Club coruñés, ao sumar o rexistro marca de 73 puntos, pegou o estirón máis notable de toda a súa Historia na devandita clasificación, pois aínda que mantén o 15º posto da campaña anterior, abriu brecha co seu perseguidor ?Real Rácing Club- e achegouse notablemente a Real Oviedo, Real Sporting e Real Valladolid, que son os que lle anteceden nos postos 12º, 13º e 14º.

Así se observa na actualización do vinte primeiros postos: