Riki e Lucas Noubi pasáronse pola zona mixta de ABANCA-RIAZOR.
O centrocampista asturiano advirte que o triunfo ante o Córdoba CF "é moi importante. Esta é unha semana crave que che sitúa para a recta final e que mellor maneira que conseguindo os 3 puntos".
Titular por segundo partido consecutivo, dixo atoparse "ben, bastante a gusto, bastante solto. Son procesos que hai que pasar. Xa custa cando chegas no verán a un equipo novo, en xaneiro máis aínda porque xa vai todo moi rodado e a esixencia é máxima".
Riki afirma que "todos os obxectivos que podamos conseguir pasan por ABANCA-RIAZOR. Cando xogamos aquí nótase. Na segunda parte que estabamos un pouco con dúbidas ANOSAFORZA empezounos a gritar, a animar. E iso é un plus para todos, nótase. O outro equipo faise pequeno. Oxalá sexa a tónica habitual de aquí a final de temporada".
Pola súa banda, Lucas Noubi, autor do seu primeiro gol coa camiseta do Dépor ademais dedicado "á miña nai", mostrouse "moi contento por volver (da selección) e marcar. Os 3 puntos son moi importantes". "Marcar cando ganas é o mellor e estou moi contento", engadiu.
O central deportivista cualificou de "incrible" o comportamento de ANOSAFORZA en ABANCA-RIAZOR e espera que "o sábado sexa máis. Quero sempre máis".
Finalmente asegura precisamente que ante o Málaga CF este sábado 4 de abril ás 18:30 (retransmitido en directo por LaLiga TV Hypermotion e Fútbol 2, dispoñible en DIGI TV e outras plataformas) en ABANCA-RIAZOR "necesitamos ir con todo, con ANOSAFORZA".
