Ao peche da temporada regular, Abegondo acolleu esta tarde un momento sinxelo pero especial nas carreiras branquiazuis da Nosa Canteira.
A parede que precede á porta de saída do vestiario do fútbol formativo aos campos de Abegondo loce un mural no que figuran todos os canteiráns que, desde a posta en marcha da Cidade Deportiva en 2003, defenderon as nosas cores en categorías inferiores, do xuvenil para abaixo e chegaron a debutar en partido oficial co primeiro equipo branquiazul.
Desde que o fixesen Ian Mackay, Trilli e Noel a principio da temporada 21-22, hoxe tocoulle a quenda a todos os Deportivistas que debutaron co primeiro equipo desde entón: Pablo Brea, Yeremay Hernández, Brais Val, Edu Sousa, Dani Barcia e hai quince días, David Mella.
Un a un percorreron o corredor que separa o vestiario do primeiro equipo do mural ovacionados por todos os seus compañeiros e compañeiras de #anosacanteira. Após recibir a felicitación e os retratos de mans do tres xogadores, que, como eles, figuran no mural: os capitáns do primeiro equipo Álex Bergantiños e Ian Mackay, o lateral coruñés Raúl Carnero, xunto a Fran Gonzalez, xogador con máis partidos na historia do Club e director do fútbol formativo, David Villasuso, director xeral do Club e Antonio Couceiro, presidente do RC Deportivo. Cada futbolista foi o encargado de colocar a súa foto na parede, nun acto que simboliza a dificultade e a satisfacción de chegar ao primeiro equipo. Como reza o propio mural: “segue os seus pasos, fainos teus aí fóra”, unha mensaxe con rostros para todas as persoas que forman parte do día a día da Cidade Deportiva de Abegondo.
Após o acto conxunto, o seis homenaxeados pousaron no campo principal do Abegondo con todos os canteiráns presentes.
