Adrián recibe a camiseta de Mosquera, Nélida gaña a de Luís Alberto. A próxima pode ser túa!

Co obxectivo de premiar a gran fidelidade dos seus socios durante a tempada, o Real Club Deportivo puxo en marcha unha serie de iniciativas para obsequiar aos socios. Ademais do sorteo dun Smart ForFour de Louzao a final de tempada entre os abonados que asistan a todos os partidos, ou unha viaxe ao Caribe de Viaxes Orzán entre os que non fallen a ningún encontro da primeira volta, tamén se sorteará a camiseta do mellor xogador de cada partido en Riazor entre os socios asistentes a cada choque. Adrián Hidalgo Núñez e Nélida Sanjurjo foron os primeiros en levar un premio: a camiseta de Pedro Mosquera e Luís Alberto.

 

A mecánica do concurso, que se repetirá tras cada partido do Dépor en Riazor, foi a seguinte:

 

- Á finalización do encontro actívase a enquisa en canaldeportivo.com para que todos os deportivistas elixan ao mellor xogador do partido.

 

- Todos os socios asistentes ao partido terán automaticamente o seu número correlativo para o sorteo por orde de entrada no Estadio de Riazor. A través dunha plataforma de xeración aleatoria de números obterase a cifra que corresponde ao gañador (o 9452 no caso de Nélida)

 

- Ao peche da enquisa, días antes do seguinte encontro en Riazor, se escrutarán os votos para determinar que xogador é o elixido como o mellor do partido.

 

- Unha vez efectuado o sorteo publicarase en canaldeportivo.com o nome do gañador e a camiseta de que xogador recibirá como premio.

 

Sorteo dunha viaxe ao Caribe con Viaxes Orzán e un Smart For Four con Louzao

 

Ademais da as camisetas, os socios que xa acudiron ao partido contra a Real, repitan este fin de semana contra o Sporting e non se perdan ningún partido en Riazor, optan tamén a gañar un Smart ForFour do Deportivo e Automóbiles Louzao e unha viaxe ao Caribe con Viaxes Orzán.

 

Para optar aos premios o único que hai que facer é acudir co abono a todos os partidos da liga que o Dépor xogue esta tempada en Riazor. Entre todos os socios cuxo carné fose rexistrado no torno de acceso de Riazor en todos o partido de Liga sortearase automaticamente un Smart ForFour coas cores do Deportivo.

 

Antes, ao finalizar a primeira volta, e co patrocinio de Viaxes Orzán, todos os socios que acudan a todos os partidos da primeira volta da liga entrarán no sorteo dunha viaxe ao Caribe para dúas persoas con todos os gastos pagos.