Onte mércores 10 de maio, os alumnos do Máster de Preparación Física e Readaptacion da Universidade UCAM de Murcia, acompañados polo coordinador do Máster, visitaron a cidade deportiva de Abegondo.
Hai que lembrar que o RC Deportivo, como iniciador no ano 1999 do posto específico de readaptador no fútbol español, segue sendo un destino formativo e de desenvolvemento profesional de referencia.
Ao longo da xornada, varios profesionais do RC Deportivo impartiron conferencias a estes futuros profesionais do deporte. Os estudantes recibiron charlas por parte de Rafa Martín Acero, responsable dos Servizos de Apoio ao Rendemento do Fútbol (S.A.R.F.) do Deportivo; José Barcala, responsable de Metodoloxía do Club; Nando Rodríguez, readaptador do Fabril e do Fútbol de Formación; Nacho González Zas, coordinador de Prevención e de Forza do Fútbol de Formación; Fran Molano, readaptador do primeiro cadro e Dani Varela, fisioterapeuta do Fútbol de Formación.
