Andrade volveu xogar co Deportivo sete meses e unha semana despúes da súa lesión
Sete meses e unha semana. Ese é o tempo que tardou Jorge Andrade en superar a súa rotura do tendón rotuliano da súa perna esquerda, lesión que se produciu no mes de marzo pasado, nun fatídico Barça-Deportivo. Foron moitas horas de traballo en silencio,
Hoxe xoves, no Campo Municipal da Magdalena, Caparrós deulle
un vinte minutos do segundo tempo. levou a ovación da bancada e de todos
os seus compañeiros. O futbolista prefire no entanto ser cauto: "A próxima
semana temos outro amigable e é cuestión de ir aos poucos, cada vez entrando
máis en xogo", declarou ante os medios informativos, ao saír do vestiario.
Nin sequera Portugal quixo perderse a reaparición do seu central
internacional. Un equipo de Rádioa Televisión Portuguesa viaxou expresamente
desde Lisboa para mostrar aos afeccionados lusos o regreso dun dos seus
mellores futbolistas.
Andrade foi o auténtico protagonista dun partido no que
Caparrós levou a todos os seus homes dispoñibles. En 'O Mundo do Fútbol'
traballaron os lesionados, Valerón, Pablo Álvarez, Bodipo, Duscher e De Guzmán.
Tampouco estiveron os internacionais, Capdevila e Coloccini, presentes no
amigable España-Arxentina de Murcia.
En Vilalba, Cristian viuse obrigado a saír do terreo de xogo ao
vinte minutos por unhas molestias nun talón, sen maior importancia. E
Juanma xogou rengueante os últimos minutos. Tras un resbalón, o central andaluz
requiriu con xestos de dor na pube a presenza do médico, Ramón Barral.
Con todo, tanto futbolista como galeno quitaron importancia á xogada: "É
absolutamente normal despois da operación de pube á que se someteu que
teña dor ao realizar xestos bruscos. E de feito vai convivir con esas
molestias uns días", declarou Barral. "Vou traballar as próximas horas segundo
como me atope", manifestou Juanma.
A todo isto, o Deportivo impúxose (0-4) con dous goles na
primeira metade e dúas na segunda. Filipe e Sergio anotaron no primeiros
corenta e cinco minutos. Juanma e Adrián, este a o culminar un veloz
contragolpe, marcaron tras o descanso. O tanto do dianteiro ovetense foi o
primeiro coa camiseta do Deportivo.
Caparrós aliñou de inicio a: Aouate, Barragán, Lopo, Arbeloa,
Rodri, Sergio, Verdú, Cristian (Estoyanoff, m. 20), Filipe, Juan Rodríguez e
Riki.
No segundo tempo, o Deportivo formou con: Munúa, Manuel Pablo,
Rodri (Andrade, m. 65), Juanma, Filipe, Iago, Sergio, Juan Rodríguez,
Estoyanoff, Adrián e Taborda.
