#ANOSACANTEIRA achegará dous futbolistas a uns adestramentos da selección española sub-17 na Cidade do Fútbol de Las Rozas (Madrid) que terán lugar do luns 26 ao mércores 28 de novembro.
Trátase do central Juan Rodríguez Lima, habitual nas citacións internacionais das categorías inferiores de España, e o meta Iker Piedra Blanco. Ambos pertencen ao cadro do Xuvenil B de Liga Nacional.
Con dous convocados, como o FC Barcelona, e un menos que Atlético de Madrid e Valencia, o Deportivo é un dos conxuntos que achega máis dun xogador á citación do seleccionador nacional.
Esta temporada ademais foron citados os seguintes canteiráns deportivistas:
-Mujaid (central do Fabril): Xogos do Mediterráneo coa sub-19
-Trilli (lateral dereito do Cadete A) e Hugo Novoa (extremo dereito do Cadete A): Adestramentos coa sub-16
-Sergio González (mediocentro cedido no San Tirso SD cadete): Adestramentos coa sub-15
