-Foto:@rfef.es
ANOSACANTEIRA achega dous futbolistas á selección española sub-16: a gardameta Antía Veiga (na foto de pé a primeira xogadora empezando pola esquerda) e a atacante Claudia Sande (agachada a segunda futbolista empezando pola esquerda).
Ambas as canteirás branquiazuis están convocadas para disputar dous partidos amigables ante Estados Unidos en Alicante.
Antía Veiga e Claudia Sande concentráronse o pasado mércores 16 de abril e regresarán á Coruña o luns 21 de abril.
O primeiro partido dos dous ante as norteamericanas será este sábado 19 de abril a partir das 12:00 no Estadio Guillermo Amor.
O calendario da selección española sub-16 é o seguinte:
Sábado 19 de abril
12:00: ESPAÑA - ESTADOS UNIDOS, no Estadio Guillermo Amor
Luns 21 de abril
11:00: ESPAÑA - ESTADOS UNIDOS, no Estadio Camilo Cano
Antía Veiga acaba de participar nuns adestramentos con este combinado nacional na Ciudad del Fútbol de Las Rozas e disputou un total de 10 partidos esta temporada co Deportivo ABANCA B que marcha de líder no grupo 1º de Tercera Federación.
A porteira branquiazul adestrouse esta pasada pretemporada co primeiro equipo e chegou a debutar no amigable ante o Real Oviedo Femenino disputado o pasado 21 de agosto de 2024 en Abegondo.
Pola súa banda, Claudia Sande xogou 24 partidos co Orzán SD Sub-21 na Primera Autonómica, 21 deles como titular, nos que anotou 9 goles.
