Aranzubia entrega esta tarde na Deportienda unha camiseta a Óscar Lozano, socio 25.500 do Depor

O Club quere agradecer a todos os deportivistas que superásemos os 25.000 abonados. Así, ofrece a posibilidade a todos os socios actuais de dar de alta, a familiares ou amigos, para o que resta de tempada 2011-12, a prezos moi especiais, como agradecemento por alcanzar o "Obxectivo 25.000". O desexo é continuar incrementando o número de abonados deportivistas e conseguir, cada día máis, que Riazor sexa unha FESTA e unha CALDEIRA azul e branca.

Tan só necesita o novo abonado que o presente un dos actuais, ben en persoa ou ben mostrando na Oficina de Atención ao Socio e Accionista o carné da tempada presente do que o apadriñe na súa alta no Deportivo. O horario da Oficina de Atención ao Socio e Accionista é, de luns a venres, de 10.00 a 13.30 e de 17.00 a 19.30 horas.