P-Miúdo partidazo que fixeches ante o Real Madrid.
R-Eu prefiro quedarme co partido que fixo todo o equipo.
P-E ademais a piques de lograr o que fose un dos goles da liga.
R-Si, pero ao final non entrou. Agora hai que traballar para que a próxima vez eses balóns entren.
P-Que lle pareceu o Real Madrid?
R-Eu creo que todo o mérito do partido estivo no Deportivo. Nós fixemos que o Real Madrid xogase mal e case non crease oportunidades.
P-E agora, que pasará cando chegue o Espanyol...?
R-Esa é a cuestión. Demostramos que podemos facer as cousas ben e entre todos temos que ser capaces de repetilo con frecuencia.
P-Menos mal que se gañou, porque os de abaixo tamén o fixeron.
R-Nós temos que pensar en nós, en facer ben o noso traballo.
P-Chega a Copa, a vitoria de onte fai que cambie a perspectiva desta competición?
R-En absoluto. Xa pasamos unha eliminatoria ante o Racing de Santander e agora trataremos de seguir pasando roldas.
P-Sentiches máis cómodo onte arriba e con outro home de ataque como Riki por detrás?
R-O certo é que este ano me atopo cómodo en calquera posición.
P-De feito, moito mellor que o ano pasado, cando chegaches ao Deportivo.
R-Si. Sempre é difícil destacar chegando a un equipo no mercado de inverno. É certo que esta tempada teño máis confianza e estou máis adaptado aos meus compañeiros.
