-Foto:@https://x.com/AUFfemenino
A xogadora do Dépor ABANCA Espe Pizarro (na foto agachada a segunda xogadora empezando pola dereita) estivo concentrada coa selección uruguaia con motivo da Copa América que se xoga en Ecuador.
Na final de consolación, ante Arxentina, houbo empate a dous goles ao final do encontro. A futbolista branquiazul marcou no minuto 34 o gol que supuña o provisional empate a un.
A quenda de penaltis, na que Espe Pizarro anotou o seu lanzamento, foi para as arxentinas por 5-4.
Así pois, Uruguai acabou en cuarta posición pero clasificouse para os Xogos Panamericanos.
En semifinais, o combinado celeste perdeu por 5-1 ante Brasil, a gran favorita ao título.
A futbolista branquiazul foi titular, do mesmo xeito que nos partidos da Primera Fase ante Arxentina, Perú e Chile.
O único encontro no que non participou a xogadora deportivista foi ante Ecuador no inicio do torneo.
Espe Pizarro terá uns días de descanso antes de incorporarse aos adestramentos co Dépor ABANCA, en data aínda por definir.
Os resultados de Uruguai foron os seguintes:
Primera Fase
Venres 11 de xullo
ECUADOR 2 - URUGUAI 2
Martes 15 de xullo
URUGUAI 0 - ARXENTINA 1
Venres 18 de xullo
URUGUAI 1 - PERÚ 0
Venres 25 de xullo
CHILE 0 - URUGUAI 3
Semifinal
Martes 29 de xullo
BRASIL 5 - URUGUAI 1
Final de consolación
Venres 1 de agosto
ARXENTINA 2 - URUGUAI 2. A penaltis: 5-4
