ANOSACANTEIRA comeza a disputar os seus primeiros amigables de pretemporada.
O Xuvenil A (na foto da noticia), que comezou a adestrar o pasado 24 de xullo, estreouse este verán ante a SD Dubra de Preferente Autonómica este sábado 2 de agosto no campo Juan Baleato de Val do Dubra.
Venceron os branquiazuis por 0-3 con goles de Xabi Campos, Íker Gil e Lucas.
Como é habitual, Miguel Figueira, técnico deportivista, repartiu minutos entre todos os seus futbolistas.
Onte venres 1 de agosto, o Fabril empatou (2-2) ante o CD Arenteiro de Primera Federación.
Manuel Pablo, técnico fabrilista, fixo xogar a todos os seus futbolistas salvo Manu Ferreiro, en proceso de recuperación da lesión muscular que se produciu en ABANCA-RIAZOR ante o UCAM Murcia, na fase de ascenso a Primera Federación da temporada pasada.
Luisao e Domínguez foron os autores dos goles do filial deportivista.
A próxima cita para o Fabril en pretemporada será o mércores 6 de agosto ás 20:15 no campo de Río Seco en Narón ante o Racing de Ferrol.
No conxunto deportivista a boa noticia protagonizouna Álvaro Mardones. O canteirán renovou polo RC Deportivo até 2028 e xogará cedido esta temporada no Racing de Ferrol.
Os resultados foron os seguintes:
Segunda Federación
FABRIL 2 (Luisao e Domínguez) - CD ARENTEIRO 2
Categoría xuvenil
SD DUBRA (Preferente Autonómica) 0 - XUVENIL A 3 (Xabi Campos, Íker Gil e Lucas Regueiro)
