O DéporCampus Cabreiroá volve a Carballo, coa súa terceira edición no campo das Eiroas, en cinco xornadas de adestramentos e diversión entre o 10 e o 14 xullo. A actividade está destinada a nenos e nenas entre os 6 e os 14 anos.
A presentación tivo lugar o xoves día 15 de xuño ás 20:00 nas instalacións do campo municipal das Eiroas. O acto contou coa presenza de Jesús Capelán, responsable das Escolas Luis Calvo Sanz; Manuel Castiñeira, directivo do Bergantiños FC, e Pablo Barros, coordinador de actividades formativas da Fundación RC Deportivo.
O DéporCampus Cabreiorá de Carballo, que o ano pasado superou a barreira do medio centenar de participantes, aínda ten prazas dispoñibles. O proceso de inscrición estará aberto até pasadomañá, mércores 5 de xullo ás 12:00 horas, nesta ligazón.
Ante calquera dúbida ou consulta acerca da actividade ou co procedemento de inscrición, os interesados poden escribir á dirección de correo electrónico deporcampus@rcdeportivo.es.
