As Nosas, este luns 16 con xornada de descanso, arrincan este martes 17 no Dépor Training Center a preparación da seguinte cita ligueira, a visita ao Levante UD prevista para o sábado 21 de febreiro ás 12:00 (Dazn) na Ciudad Deportiva de Buñol.
Os resultados da última xornada deixaron ao Dépor ABANCA en 12ª posición con 20 puntos.
Fran Alonso cre que a clave da derrota ante o Sevilla FC estivo na falta que deu orixe ao primeiro gol andaluz, "para min dubidosa. A partir do gol de falta tivemos que tomar máis riscos e o partido rompeu un pouco. Perdemos orde e na desorde a letalidade do rival fíxonos moito dano".
O corpo técnico disporá de 4 sesións de traballo matinais no Dépor Training Center. A última, a do venres 20, iniciarase ás 9:00 posto que ao concluír, o equipo emprenderá viaxe a Valencia.
Martes 17 de febreiro
10:45
Mércores 18 de febreiro
10:45
Xoves 19 de febreiro
11:30
Venres 20 de febreiro
9:00
Sábado 21 de febreiro
12:00: Levante UD - Deportivo ABANCA, en Buñol
