Martes de merecido descanso para As Nosas, que, ante o Real Madrid CF, realizaron o maior esforzo físico a alta intensidade de toda a temporada, con valores marca no que vai de liga.
No plano ofensivo, o Dépor ABANCA tiña até agora o seu mellor serie goleadora en 4 xornadas consecutivas cun total de 5 goles. Con todo, nas 2 últimas xornadas o equipo sumou 6 goles, converténdose na mellor serie anotadora da temporada.
Olaya e Lucía Rivas destacaron especialmente en ataque, triplicando a súa media de disparos respecto á media da temporada. Pola súa banda, Paula Gutiérrez duplicou neste encontro a súa media de recuperacións, mostrando un impacto defensivo moi por encima do habitual.
"Sábeme mal polas xogadoras o resultado porque creo que merecen máis, pero estou orgulloso", afirmou Fran Alonso na sala de prensa de ABANCA-RIAZOR finalizado o encontro ante o conxunto branco.
A derrota ante o Real Madrid CF deixou ao Dépor ABANCA con 17 puntos na 12ª posición.
O técnico deportivista quere "seguir crecendo, seguir apertándoas durante a semana para que sigan mellorando", con esta planificación a partir deste mércores 4:
Mércores 4 de febreiro
10:45 h.
Xoves 5 de febreiro
10:45 h.
Venres 6 de febreiro
11:30 h.
Sábado 7 de febreiro
10:30 h.
Domingo 8 de febreiro
14:00: Madrid CFF - Deportivo ABANCA, no Estadio Fernando Torres (Fuenlabrada)