Bayern 2 -Deportivo 3<br>Outra noite para a historia branquiazul
O Deportivo puxo o fútbol, o acerto e o corazón no Olímpico de Múnic e a cambio tráese unha importante vitoria. Tres goles de Makaay deron o partido e os puntos aos branquiazuis -hoxe de dourado- e agrandan a lenda do Club herculino en Europa. E é que nin
O Olímpico de Múnic impón. Pero desde esta noite un pouco menos. E senón que llo digan aos deportivistas. O Deportivo gañou e convenceu en Múnic, a pesar de que os alemáns igualaron a contenda e non puxeron as cousas fáciles. Os deportivistas atallaron o xogo de Zé Roberto, impediron os pases cara a Ballack e desbordaron á defensa, sobre todo Valerón e Makaay. O canario foi o autor dos pases para que o holandés anotase o tres goles, no segundo deles o pase foi para Héctor e deste para Makaay.
O Deportivo conseguiu chegar ao descanso con vitoria por 0 goles a 2 e desbordando ao rival. Pero na continuación a reacción xermana non se fixo esperar. Así, Salihamidzic recortaba as distancias e oito minutos máis tarde Elber, ao saque dun córner, igualaba o partido.
Este mazazo non afundiu aos de Irureta que, tras uns instantes de xogo precipitado obrigado pola presión alemá, volveu xogar o balón con calma e de novo Makaay anotaba. Era o seu terceiro e definitivo tanto da noite tras un novo pase de Valerón.
Nin as subidas ao ataque da meta xermano, Kahn, que deixou durante un par de minutos a súa porta baleira, nin a presión do público do Olímpico nin tan sequera o tempo de máis sinalado polo colexiado variaron o resultado.
O Milán impúxose en San Siro por 2 a 1 ao Lens no outro enfrontamento do Grupo G, polo que o Deportivo é o líder do Grupo.
Ver ficha do partido
