Borja López asegura que o Deportivo tentará 'apertarlles desde o inicio'

Borja lembra precisamente que o seu debut en Primeira División, a pasada tempada, foi tamén no Santiago Bernabéu. "Foi alí o meu debut en Primeira División coa camiseta do Raio Vallecano. Agora preséntase unha nova oportunidade, que espero poida ter, pero que ata a hora do partido, unha hora antes, non se sabe nada".

Do Real Madrid, destaca que "é o mellor equipo do mundo agora mesmo. Non vai ser nada fácil sacar algo positivo de alí. Pero é un partido como calquera outro, hai tres puntos en xogo. Nós imos tentar disputalos, non dar ningún balón por perdido e sobre todo darlle moita intensidade, máis que eles".

Neste sentido, cre Borja que "haberá que tentar apertarlles desde o inicio para que vexan que non vai ser nada fácil. E a ver se o Deportivo pode sacar algo positivo de alí". "Temos que dalo todo no campo, moita intensidade e porlles as cousas difíciles a eles", insiste.

O central deportivista advirte que no Deportivo non preocupa a situación do Real Madrid, recentemente derrotado no derbi madrileño con Atlético de Madrid. "Preocúpanos nós mesmos, facer un partido bo para a nosa afección. E éso é o que imos tentar facer, porque nós non estamos para regalar nada. Estamos a xogarnos moito que é a permanencia e imos tentar saír a morder ao Bernabéu e a tentar sacar algo positivo", explica.