Do Eibar, segundo clasificado e rival este domingo en Riazor (12.00 horas), di o dianteiro deportivista que "é un equipo moi difícil. Pero somos o Dépor, estamos a xogar en casa e temos que gañar".
Procedente da canteira do Atlético, Borja abónase ao 'partido a partido' que fixo popular esta tempada Cholo Simeone, técnico colchoneiro: "As matemáticas non son boas conselleiras para o fútbol. O seguinte partido é o que hai que gañar e se gañamos este miraremos ao seguinte".
Sobre o seu tanto en Mendizorroza, o décimo na súa conta particular, manifestou estar "contento porque o gol significou para gañar un punto, importante tal e como se puxo o partido".
No entanto, Borja asegura que "o importante é que o equipo estea arriba. Todos achegamos o noso granito de area. O importante é que ascendamos e axudar, salga quen salga".
