A RFEF acaba de emitir, nos seguintes termos a "CIRCULAR N.º 130 Horario unificado Xornada 37 Primeira RFEF. Modificación parcial Circular Nº.119 Temporada 2021/2022.
O pasado 5 de maio publicouse a Circular Nº.119 onde se informaba que a RFEF, ao amparo do previsto no artigo 53.3, letra e), dos seus Estatutos, e no artigo 214 do Regulamento Xeral, acordou unificar os horarios das dúas últimas xornadas de Primeira RFEF naqueles partidos cuxos resultados puidesen afectar á clasificación para o Playoff de Ascenso de Primeira RFEF ou o seu posto definitivo entre os participantes do mesmo, o descenso a Segunda RFEF e a participación noutras competicións oficiais de ámbito estatal.
Con todo, tendo en conta das altas temperaturas previstas para a próxima fin de semana e en aras de garantir a saúde de todos os participantes, a RFEF acordou modificar os horarios dos partidos da Xornada 37 de Primeira RFEF onde se disputen prazas das descritas no parágrafo anterior, debendo estes celebrarse ás 20:30 h. do sábado 21 de maio.
O que se comunica para coñecemento de todos os clubs interesados, das Federacións de ámbito autonómico, da área de Competicións e Fútbol Non Profesional e do Comité Técnico de Árbitros e aos efectos oportunos. Las Rozas de Madrid, a 18 de maio de 2022".
Por tanto, o Real Valladolid B-RC Deportivo da penúltima xornada de liga disputarase o sábado 21 ás 20:30 h. no Anexo do José Zorrilla de Valladolid (Footter e Fuchs-Sports).
