Grazas por depositar en nós vosa confianza, grazas por gozar connosco dos éxitos conseguidos ao longo destes anos, grazas por apoiar tamén nos momentos duros, e grazas, en definitiva, por ser deportivistas en maiúsculas.
Volvendo por un momento a vista atrás, a todos aqueles que aquel 13 de xuño de 1988 animástesme e apoiastes de forma persoal a min, Augusto César Lendoiro, para iniciar o meu camiño á fronte do Real Club Deportivo da Coruña, quero darvos tamén as grazas de todo corazón, porque vos podo asegurar que naquel momento comecei sen dúbida una das facetas máis apaixonantes da miña vida.
Ao longo destes 25 anos houbo momentos inesquecibles. O cinco anos consecutivos en Liga de Campións ou os impensables títulos conseguidos son o mellor exemplo diso. Pero ao mesmo tempo, tamén pasamos situacións difíciles e duras, e querémosvos dicir que os que formamos este Consello de Administración nin un só día, nin sequera un só segundo, perdemos a ilusión por seguir facendo do Deportivo da Coruña un club grande. Concretamente, para un home como eu, que leva 50 anos longos á fronte dun club de fútbol, desde os meus inicios no Ural sendo un raparigo, pódovos garantir que mesmo nos momentos máis complicados mantiven sempre a fortaleza e a confianza de saber como superar calquera revés.
Por suposto, nestes anos á fronte da presidencia tamén se cometeron erros. Nunca negamos que os houbo. E por eles pedímosvos desculpas, pero asegurámosvos que todo se fixo sempre co firme obxectivo de ver ao noso Deportivo o máis alto posible. No seu día conseguímolo e iso é algo do que estamos orgullosos.
Moitas grazas a todos.
