Case 300 participantes na primeira semana dos DéporCampus Cabreiroá
O pasado venres 1 de xullo clausuráronse os primeiros DéporCampus Cabreiroá deste verán nas súas sedes de Abegondo (primeira quenda), Maside, Cee e Outes.
Nesta primeira semana bateuse a marca de participación con 129 asistentes na Cidade Deportiva de Abegondo. As sedes de Terras de Maside e Cee superaron a súa mellor cifra histórica con 49 e 56 participantes, respectivamente, que sumados aos 40 da nova sede en Outes fixeron un total de 274 nenos e nenas.
Da estrutura do Real Club Deportivo participaron 16 adestradores e 4 coordinadores que levaron a cabo as actividades baixo a metodoloxía da Fundación RC Deportivo, transmitindo os valores e o sentimento deportivista aos rapaces de 6 a 14 anos.
O pasado luns 4 de xullo arrancou a segunda semana de Abegondo, xunto coas sedes de Bertamiráns, Caranza, Ourense, Viveiro e Virginia (EEUU).
Para calquera dúbida ou consulta acerca dos DéporCampus Cabreiroá poden contactar directamente coa organización na dirección de correo electrónico deporcampus@rcdeportivo.es.