Hoxe luns 2 de xaneiro arrancou a última semana dos DéporCampus Cabreiroá de Nadal 2022, co inicio da segunda quenda nas instalacións indoor de PadelPlus en Alvedro, que se estenderá até o vindeiro mércores 4 de xaneiro.
A pasada semana, o mércores 28 de decembro, clausuráronse as primeiras quendas nas tres sedes: Alvedro, Sada (campo municipal As Mariñas-Andrés Pena) e Carballo (campo municipal das Eiroas).
No cómputo global das tres sedes participaron ao redor de 140 nenos e nenas de entre 6 e 14 anos. Destaca principalmente a sede de Sada, onde se superou de novo a marca de participación, chegando aos 80 mozos tralo medio centenar da pasada edición.
Os DéporCampus Cabreiroá de Nadal permitiron aos inscritos participar en diferentes actividades lúdicas, todas elas relacionadas co fútbol, baixo a supervisión dos adestradores da canteira do RC Deportivo. A xornada final do pasado mércores consistiu nunha serie de desafíos técnicos, partidos de competición, entrega de diplomas e o sorteo de agasallos.
