1. Agradecer ao Real Club Deportivo da Coruña S.A.D. e ao seu Consello de Administración e á Federación de Penas Deportivistas todo o apoio prestado para a organización do Congreso de Penas que acabamos de celebrar en Soñeiro (Sada). O Club, por mediación do Conselleiro Pachi Dopico, convidou a toda a Xunta Directiva da Pena Bodipo Casa Freire a presenciar no palco de honra o partido entre o Deportivo e o Betis, sen dúbida un detalle que honra aos reitores branquiazuis. Canaldeportivo.tv ofréceche unha reportaxe do tres días vividos en Soñeiro (Sada).
2. No referente aos trofeos, e en resposta a diversas informacións xurdidas nalgúns medios de comunicación, o Real Club Deportivo deu todas as facilidades para que puidesen ser expostos durante os actos do Congreso de Penas. Incluso o Conselleiro Jesús Rebollo ofreceuse a trasladalos no seu coche particular e ofreceunos un seguro para facerse cargo deles durante a súa exposición. Fomos nós, os organizadores, os que optamos por visitalos na Praia Club, xa que o Deportivo puxo á nosa disposición unha visita guiada para todos os peñistas ao Estadio de Riazor.
Tamén queremos deixar claro que foi o Deportivo, e non Bodipo, o que nos regalou a camiseta do equipo á Pena Deportivista que leva o nome do dianteiro branquiazul.
3. Esta Pena Deportivista non está disposta a que se utilice o seu nome para atacar ao Real Club Deportivo.
Fdo: Luís Lourido, Presidente da Pena Deportivista Bodipo Casa Freire
