Celso Borges e a súa selección, Costa Rica, disputaron a semifinal da Concacaf Nations League fronte a México esta pasada madrugada no Mile High Stadium de Denver (Estados Unidos).
O mediocentro deportivista saíu ao campo no once inicial e foi relevado no minuto 82 por Bernald Alfaro. O partido finalizou con empate sen goles e decidiuse na quenda de penaltis, na que estiveron máis atinados os mexicanos (4-5).
Agora, Costa Rica disputará a final de consolación ante Honduras, perdedor do encontro ante Estados Unidos, este mesmo domingo 6 de xuño (16:30 hora local, 00:30 do luns 7 en España), tamén no Mile High Stadium.
Finalmente, o combinado 'tico' xogará un amigable ante Estados Unidos o mércores 9 de xuño no Rio Tinto Stadium (Salt Lake City) co que se pechará esta concentración.
