David Mella representará a #ANOSACANTEIRA na fase final do Campionato de Europa sub-17 que se xogará en Israel do próximo 16 de maio ao 1 de xuño.
O atacante branquiazul, en idade xuvenil pero que estivo na dinámica do Fabril durante toda a temporada, concentrarase o vindeiro luns 9 de maio ás 12:00 na Ciudad del Fútbol de Las Rozas (Madrid) para viaxar a Israel o sábado 14 de maio.
Turquía, Bélxica e Serbia serán os rivais iniciais dos españois, con estes partidos no Grupo C da Primeira Fase:
Martes 17 de maio
19:00 (hora peninsular): TURQUÍA - ESPAÑA, no Ness Ziona Municipal Stadium
Venres 20 de maio
15:30 (hora peninsular): ESPAÑA - BÉLXICA, no Ness Ziona Municipal Stadium
Luns 23 de maio
16:30 (hora peninsular): ESPAÑA - SERBIA, no Haberfeld Stadium de Rishon LeZion
Os dous primeiros de grupo accederán a cuartos de final, que se xogarán o mércores 25 e xoves 26 de maio.
Israel, Alemaña, Italia e Luxemburgo (Grupo A), Francia, Países Baixos, Bulgaria e Polonia (Grupo B), Dinamarca, Portugal, Escocia e Suecia (Grupo D) completan a nómina de 16 seleccións que loitarán polo título continental.
Na última concentración preparatoria da selección española sub-17 este mes, con motivo de dous amigables ante Francia, David Mella tivo minutos nos dous partidos, un deles de titular; e ademais marcou un dos goles hispanos.
