Deportivo e O Porto vólvense a ver as caras en Moraña
Aínda que en categoría cadete, o Deportivo e o O Porto volverán verse as
caras este fin de semana, con motivo do Trofeo Internacional de fútbol cadete
que se disputa na localidade pontevedresa de Moraña.
Os dous equipos enfrontaranse no partido do seu grupo este sábado ás
19:30 horas. Antes, ás 11:15, o Deportivo medirase ao outro equipo do
grupo, unha Selección Comarcal da zona. O primeiro do grupo disputará o
domingo a final contra o primeiro do outro grupo, no que están o Celta, o
Pontevedra e o Sporting de Xixón. Os segundos clasificados de cada grupo
xogarán a final de consolación, tamén o domingo.