Dous galegos na Xunta Directiva da Federación
Ao final o Real Club Deportivo conseguiu o que desexaba e o seu Presidente Antonio Álvarez conseguiu un posto, como representante da Segunda División, na Xunta Directiva da Federación Española de Fútbol. Nada máis coñecerse o resultado da votación Pablo P
Seoane será traspasado a un equipo castelán
O PRESIDENTE DO DEPORTIVO, ELIXIDO DIRECTIVO DA FEDERACIÓN ESPAÑOLA
O Deportivo da Coruña conseguiu anotarse un importante éxito dentro do ámbito do fútbol español. O Presidente coruñés foi elixido membro da Xunta Directiva da Real Federación Española de Fútbol por un período de tres anos.
Durante o Pleno nacional, que se iniciou esta mañá, levou a cabo a votación para elixir un representante dos clubs de Segunda División na Xunta Directiva da Federación Española (...). Tres candidatos presentáronse para cubrir a mencionada vacante: os presidentes do Tenerife, Córdoba e Real Club Deportivo da Coruña. Unha vez levada a cabo a votación, e despois de realizado o correspondente escrutinio, saíu elixido don Antonio Álvarez Rodríguez, Presidente do Club branquiazul, por un total de 88 votos. Para o segundo posto empataron, con 32 votos, os presidentes do Tenerife e do Córdoba.
Coñecido o resultado da votación, don Pablo Porta, Presidente da Federación Española, felicitou a don Antonio Álvarez Rodríguez e convidoulle a ocupar, de inmediato, asento na mesa presidencial como novo membro da directiva do organismo reitor do fútbol español. O señor Álvarez estaba sentado no salón, acompañado do Xerente deportivista.
-Rumores.
Cada ano, durante o pleno, xorden rumores e máis rumores en canto a traspasos e fichaxes. Esta vez, un deses rumores, está relacionado co Deportivo da Coruña. Ao parecer, o gardameta Seoane é pretendido por un club de Primeira División. Aínda que ao Pleno asisten o Presidente e o Xerente do equipo herculino, o certo é que non quixeron concretar que curso seguen as xestións, que levan con toda clase de reservas. Con todo, parece que ese equipo que desexa conseguir os servizos de Seoane é un conxunto castelán.
