Mañá sábado unicamente están previstos dous partidos oficiais en #ANOSACANTEIRA cos dous equipos cadetes na División de Honra, ambos lonxe de Abegondo: o branquiazul en Pontevedra ante o AJ Lérez (20:00 horas) e o San Tirso SD en Nigrán fronte ao ED Val Miñor Nigrán (16:00 horas).
Hoxe venres arrincou a recentemente creada División de Honra infantil co partido entre o Deportivo e o San Tirso SD. O choque concluíu con triunfo branquiazul (4-0), con goles de Mauro, Nico, Antón e Íker.
Ademais de ambos, integran a categoría o RC Celta, CD Lugo, ED Val Miñor, CD Conxo Santiago, Ural Español CF, Victoria FC, CD Areosa, Cidade de Ribeira CF, Bergantiños CF, Pabellón Ourense CF, Arosa SC, EF Denis Suárez, UD Santa Mariña e EF Portero 2000. O formato de competición é de liga todos contra todos a dobre volta. O catro primeiros clasificados xogarán a Fase Final mentres que o tres últimos perderán a categoría.
Un interesante test do Fabril o pasado martes en Abegondo ante a selección galega iniciou unha nova semana de partidos e torneos en #ANOSACANTEIRA. O resultado, que é o de menos, favoreceu ao combinado galaico (2-3). Os goles fabrilistas foron obra de Mella e Nájera.
O groso da xornada en #ANOSACANTEIRA celebrarase o domingo. Ás 12:00 xogan en Abegondo o Fabril ante o Alondras CF e o Deportivo ABANCA B ante o CD Oceja.
O Club mantén activo o protocolo de apertura con control de accesos á Cidade Deportiva para o partido do Fabril (ver condicións aquí)
Tamén ás 12:00 do domingo pero en Santa Cruz de Bezana (Cantabria), o Xuvenil A visita ao CD Marina Sport. Media hora máis tarde, ás 12:30, o Xuvenil B visita ao ED Xuventude de Oroso en Sigüeiro, na 2ª xornada da liga Nacional; e para a tarde (16:00 horas), está fixado o choque da Primeira División Autonómica entre o Orzán SD Xuvenil Feminino e o Atlético Arousana.
Finalmente continúan en pretemporada os alevíns e benxamins, con torneos en Santiago, Rio Tinto (Gondomar, Portugal), Ribeira e Arcade; ademais do Orzán SD Cadete Feminino B, con amigable en Meicende o domingo.
O calendario de partidos, cos resultados dos xa xogados, é o seguinte:
Terceira RFEF
Amigable: FABRIL 2 (Mella e Nájera) - SELECCIÓN GALEGA 3
2ª xornada: FABRIL - ALONDRAS CF, o domingo 18 de setembro ás 12:00 en Abegondo
Categoría feminina
Primeira Nacional, 2ª xornada: DEPORTIVO ABANCA B - CD OCEJA, o domingo 18 de setembro ás 12:00 en Abegondo (campo 5)
Primeira División Autonómica, 2ª xornada: ORZÁN SD XUVENIL FEMININO - ATLÉTICO AROUSana, o domingo 18 de setembro ás 16:00 na Torre (campo 1)
Amigable: SPORTING MEICENDE - ORZÁN SD CADETE FEMININO B, o domingo 18 de setembro ás 19:00 en Meicende
Categoría xuvenil
División de Honra, 3ª xornada: CD MARINA SPORT - XUVENIL A, o domingo 18 de setembro ás 12:00 no campo Soto de la Marina (Santa Cruz de Bezana)
Liga Nacional, 2ª xornada: ED XUVENTUDE DE OROSO - XUVENIL B, o domingo 18 de setembro ás 12:30 no campo Lino Balado de Sigüeiro (Oroso)
Categoría cadete
División de Honra, 2ª xornada: AJ LÉREZ - CADETE, o sábado 17 de setembro ás 20:00 horas no campo Manolo Barreiro 1 (Pontevedra)
División de Honra, 2ª xornada: ED VAL MIÑOR NIGRÁN - SAN TIRSO SD CADETE, o sábado 17 de setembro ás 16:00 no campo de Condomínguez (Nigrán)
Categoría infantil
División de Honra, 1ª xornada: INFANTIL 4 (Mauro, Nico, Antón e Íker) - SAN TIRSO SD INFANTIL 0
Categoría alevín
I Torneo Deputación da Coruña nas Cancelas (Santiago)
Domingo 18 de setembro
Primeira Fase
11:15: ALEVÍN A - TERCEIRO CLASIFICADO FASE PREVIA
12:55: EF IRMANDIÑOS - ALEVÍN A
Os dous primeiros xogarán unha Fase Final mentres que o terceiro disputará unha Fase de Consolación.
II Torneo de fútbol basee Concello de Ribeira (campo da Fieiteira)
Sábado 17 de setembro
Primeira Fase
10:30: ED XUVENTUDE DE OROSO - FABRIL FC ALEVÍN
11:30: FABRIL FC ALEVÍN - ED VAL MIÑOR
12:30: EQUIPO CLASIFICADO DA PREVIA - FABRIL FC ALEVÍN
Os dous primeiros de grupo xogarán as semifinais, mentres que os dous seguintes xogarán unha Fase de Consolación.
Categoría benxamín
Cart Cup no Complexo Fernando Pedrosa (Río Tinto, Portugal)
Sábado 17 de setembro
Primeira Fase
10:45: BENXAMÍN A - RÍO AVE
14:35: BENXAMÍN A - SC SALGUEIROS
16:55: BENXAMÍN A - GONDOMAR SC
O domingo, segundo clasificación, xogarase a Fase Final.
Torneo de Arcade
Sábado 17 de setembro
Primeira Fase
11:00: FABRIL FC BENXAMÍN - EF DENIS SUÁREZ
13:00: ED XUVENTUDE DE OROSO - FABRIL FC BENXAMÍN
15:30: FABRIL FC BENXAMÍN - PABELLÓN OURENSE CF
Os dous primeiros pasan a cuartos de final, mentres que os outros dous equipos xogarán unha Fase de Consolación.
II Torneo de fútbol basee Concello de Ribeira (campo da Fieiteira)
Domingo 18 de setembro
Primeira Fase
10:30: ED XUVENTUDE DE OROSO - FABRIL FC BENXAMÍN
11:30: FABRIL FC BENXAMÍN - ED VAL MIÑOR
12:30: EQUIPO CLASIFICADO DA PREVIA - FABRIL FC BENXAMÍN
Os dous primeiros de grupo xogarán as semifinais, mentres que os dous seguintes xogarán unha Fase de Consolación.
