Desde o pasado domingo 6 de febreiro e até o vindeiro domingo 13 dous xogadores Guatemaltecos, Erick Ernesto Vargas e Nicolas Vaccaro, están a poder coñecer de preto o Dépor e o sentimento Deportivista a través dun DéporCampus dunha semana organizado pola Fundación RC Deportivo.
Os xogadores á súa chegada presenciaron o partido do RC Deportivo contra a Real Unión. Unha vez iniciada a semana participaron nos adestramentos cos equipos da canteira, coñecendo así a metodoloxía de traballo da Cidade Deportiva de Abegondo e o mércores 9 puideron gozar do partido da Uefa Youth League fronte ao Dynamo Kyiv.
Ademais, o xoves 10 de xaneiro ambos os xogadores recibiron o diploma acreditativo da súa participación na actividade e finalizaron o DéporCampus cunha visita ao estadio ABANCA-RIAZOR, presenciando o adestramento do primeiro equipo e fotografándose cos xogadores do RC Deportivo.
Do mesmo xeito que a Escola RC Deportivo e os DéporCampus Cabreiroá a finalidade destes programas é contribuír á formación de xogadores e xogadoras, transmitir o sentimento Deportivista e dar a coñecer aínda máis o Dépor no estranxeiro.
