-Foto:@rfef.es
Elena Vázquez e Paula Redruello, coñecida futbolísticamente como 'Redru', están concentradas coa selección española sub-17 para dous partidos amigables en Alfaz del Pi, preparatorios para o próximo Campionato do Mundo da categoría.
Ambas as canteirás incorporáronse á concentración do equipo nacional onte luns 23 de setembro.
Os rivais das españolas, vixentes campioas de Europa coa deportivista Lucía Rivas nas súas filas, son Portugal e México no complexo Albir Garden Resort.
Ante as portuguesas esta mañá goleou España (5-1) coas dúas branquiazuis no once inicial. Elena (na fila de arriba a segunda futbolista empezando pola dereita) xogou completo o encontro e Redru (na fila de arriba a cuarta xogadora empezando pola dereita) foi relevada no minuto 72 por Clara.
Este venres 27 agarda México á mesma hora (11:00) e o mesmo escenario, o complexo Albin Garden Resort.
O calendario dos amigables de España, cos resultados dos partidos xa xogados, é o seguinte:
Martes 24 de novembro
ESPAÑA 5 - PORTUGAL 1
Venres 27 de novembro
11:00: ESPAÑA - MÉXICO
Finalizado este encontro, Elena e Redru regresarán á Coruña.
As Nosas consolídanse como un viveiro para as categorías inferiores da selección española. Olaya e Marina Artero acaban de regresar do Mundial sub-20; a propia Marina é campioa de Europa sub-19 e Lucía Rivas, sub-17; Antía Veiga acaba de participar con 15 anos en dous amigables da selección española sub-17; e Claudia Sande, nuns adestramentos coa sub-15.
