A xogadora do Dépor ABANCA B Michi Apóstol e a súa selección, Venezuela, disputan a Copa América en Quito (Ecuador).
Os rivais da futbolista branquiazul son Brasil, Colombia, Paraguai e Bolivia.
Precisamente Colombia foi a segunda rival da 'Vinotinto', esta pasada madrugada en Galicia.
Houbo empate sen goles (0-0) e Michi Apóstol non tivo minutos de xogo.
O primeiro encontro da atacante deportivista, unha das máximas goleadoras de Tercera Federación co Dépor ABANCA B a temporada pasada, foi ante o potente Brasil.
Michi Apóstol tampouco saltou ao céspede nun partido que foi para as brasileiras por 2-0.
O calendario de Michi Apóstol na Copa América, cos resultados dos xa xogados, é o seguinte:
Luns 14 de xullo
BRASIL 2 - VENEZUELA 0
Xoves 17 de xullo
VENEZUELA 0 - COLOMBIA 0
Sábado 19 de xullo
16:00 (23:00 hora galega): VENEZUELA - BOLIVIA, no Estadio Gonzalo Pozo
Sábado 26 de xullo
19:00 (2:00 do domingo 27 hora galega): PARAGUAI - VENEZUELA, no Estadio IDV
Os dous primeiros de grupo pasan a semifinais e o 3º pelexará polo 5º posto
Michi Apóstol é internacional en todas as categorías e ten contrato en vigor polo Dépor ABANCA até xuño de 2027.
