En segunda, con 6000 socios, penuria económica e un estadio anticuado
Durante as calores estivais os comentaristas deportivos aproveitaban o recalmón para facer balances da actualidade deportiva. No tema deportivista algúns, como o que asinaba como Marathón, mostrábanse abertamente críticos, especialmente no relativo á déb
LUNS DEPORTIVO
-Xogadores que veñen e xogadores que se van.
Hai non moitos días estivo a proba no Estadio Municipal de Riazor o xogador alemán Günther. Non deu resultado e foise. Novos, polo momento, só está Juán Ignacio Núñez, sestaotarra, terra de ?urruchurtus? e furiosos. Oxalá que o sexa.
As posibles fichaxes serán escasos. A economía do club non está para dispendios. Os propósitos adquisitivos redúcense a un dianteiro centro e a un gardameta. A un dos que a Xunta Directiva ten en observación e que igual pode proceder dun club de Primeira División que doutro de Segunda e aínda de Terceira.
En canto a traspasos xa vostedes saben que se formalizou o do gardameta Seoane, que se foi para Salamanca. Máis?... Soamente no caso de que a oferta monetaria sexa moi elevada. Veremos...
-Penuria económica.
Dicíamo o Presidente: Só dous exemplos: o Celta ten 15.000 socios; o Salamanca, 16.000. Pódeselle pedir máis a un club, como o noso, que só ten o apoio de preto de 6.000? ?Nós tratamos, por todos os nosos medios posibles, de lograr o aumento desa cifra pero non alcanzamos nin a achegarnos ao número necesario. O que fai falta é que vostedes, a Prensa, insten o Concello, a que faga o Estadio grato ao público e só entón aumentará o número de socios e o de espectadores?.
Sóbralle razón ao Presidente, porque tal como está, e non digamos se se lle compara con outros de cidades e pobos inferiores en poboación, o Estadio Municipal da Coruña é unha vergoña pública que nos avergonza. Desde o palco presidencial ata a localidade máis modesta; desde os vestiarios ata os servizos máis esenciais. E seguindo así, atreverase alguén a solicitar un partido do Mundial 82? Atreverase Vigo. E daranllo.