Desde o día 30 de marzo e ata o xoves 6 de abril ás 12:00 horas, están a disposición dos socios do RC Deportivo 740 entradas (296 delas xestionadas pola Federación de Peñas) para o Sevilla-Dépor que se disputa o vindeiro sábado 8 ás 18:30 no Ramón Sánchez Pizjuán. O prezo de cada entrada, da zona de Tribuna Alta Sur, é de 30 euros.
As entradas da bancada visitante estarán a disposición exclusivamente dos socios do RC Deportivo, que deberán presentar o seu carné (2 entradas por persoa presente con carné de socio, identificando con DNI aos usuarios finais das localidades), na Oficina de Atención ao Deportivista no seu horario habitual de 10:00 a 13:30 e de 16:30 a 19:00 horas.
As peñas deben xestionar as súas entradas a través da Federación de Peñas en fepedepor@hotmail.com
