O Victoria CF, que disputará o vindeiro martes a partir das 19:00 h. no Estadio Municipal ABANCA-RIAZOR, o partido da primeira eliminatoria de Copa del Rey ante o Villarreal CF, pon a disposición de todas as socias e socios do RC Deportivo e do resto de clubs do fútbol coruñés, entradas a metade de prezo para o encontro. As entradas para o público en xeral, na Bancada de Preferencia, teñen un custo de 10 euros, pero co carné do Dépor 2021-2022 poden comprarse a 5 euros.
As entradas con esta promoción poden retirarse na páxina: https://victoriacf.com/copa-do-rei/ até o domingo 28. Os menores de 12 anos non teñen que pagar polo acceso pero si retirar a súa entrada no despacho de billetes.
Os despachos de billetes do Palacio dos Deportes de Riazor estarán abertos o luns de 16 a 21 h. e o martes, día do partido, de 11 a 19 h.
