Após esgotarse o pasado domingo a primeira remesa de 900 entradas que a Cultural e Deportiva Leonesa puxera a disposición do Deportivismo, en formato físico a un prezo de 15 euros, de cara ao partido do próximo domingo 19 de decembro ás 18:00 h. no Reino de León, o RC Deportivo recibiu unha segunda remesa á que se unen localidades non comercializadas pola Federación de Peñas da cota inicial que lle correspondía. Finalmente serán 365 as que, unicamente mañá, se poñan á venda.
As localidades despacharanse presencialmente (ao ser recibidas en formato físico) e exclusivamente a socias ou socios do Club nos Despachos de billetes do Palacio dos Deportes de Riazor desde as 11:00 h. e até as 21:00 h. (ou esgotar localidades).
Será imprescindible que a persoa que adquira as entradas, mostre o DNI orixinal (ou copia ou imaxe) de cada persoa que as vai a utilizar, e que un deles pertenza á persoa titular do abono.
Nos despachos de billetes do Palacio dos Deportes tamén se poderán comprar entradas para o Dépor-Osasuna das 21:00 h., renovar ou darse de alta de abonado cos novos prezos de segunda volta. A OAD permanecerá pechada todo o xoves.
