Ernesto Belo: O fútbol de futuro é de canteira

En principio, e ante tales medidas, podemos dicir que o Deportivo cumpriría nestes momentos tal normativa e que, ademais, ten no seu equipo filial un futuro a curto prazo asegurado cos xogadores que agora mesmo forman o segundo equipo branquiazul.
Dos 21 xogadores con ficha do filial, nestes momentos cumprirían o trámite de 'canteiráns' 15 futbolistas, é dicir, que xa leven 3 tempadas dentro do club entre os 15 e os 21 anos. Estes son: David Yáñez, Adrián, Borja, Dani Cancela, Antonio, Chapi, Pita, Álex, Ramón, Pablo Fernández, Iván Carril, Pepe, Jonathan, Gonzalo e David Vidal. Ademais, do resto de compoñentes do persoal, tanto Xavi Seco, David Rei e Nando formaron parte de canteiras nacionais nesas idades, concretamente Barcelona, Compostela e Mallorca respectivamente, polo que entrarían na denominación de 'xogador novo'.
Resumindo, agora mesmo no Fabril existen un 87,5% de xogadores que cumprirían nesta campaña a futura normativa UEFA e podería o club dispor deles como futuros 'canteiráns' ou 'xogadores novos' do primeiro persoal. O fútbol de canteira pois, terá unha porta aberta coa máis que clara disposición de establecer unhas normas obrigatorias a cumprir por todos os clubs e que provoquen a potenciación das políticas de formación e promoción dos xogadores propios dun club.
Se como vemos, o futuro a curto prazo está asegurado, e a preocupación é que cada vez sexa maior a calidade dos xogadores que accedan ao primeiro equipo, o Deportivo hai un tempo que decide reforzar as súas categorías inferiores debido ao novo panorama que se aveciñaba, os pasos neste sentido foron claros e planificados, tal e como se pode comprobar.
Con todo isto posto en marcha, o Deportivo tratará, con tempo, paciencia, traballo e investimento, dotar ao seu primeiro equipo co maior número posible de xogadores nados, criados e formados dentro do noso propio club, porque o fútbol do futuro así o demanda".