Espanyol 1- Deportivo 2<br>Iván Carril e Tristán dan a volta ao marcador en Barcelona
Un gol de Luís García ao fío do descanso en Montjuic puña o partido costa arriba para os deportivistas que, no segundo tempo, deron a volta ao marcador con goles de Iván Carril e Diego Tristán. Finalmente os de Caparrós tráense o tres importantes puntos q
Arrincou o encontro cun Espanyol tentando dominar sen fortuna e un Deportivo tímido que lle deixaba facer.
Co paso dos minutos, o equipo local controlaba o ritmo do partido ata o punto de que o Deportivo necesitou dez minutos para achegarse á portaría de Iraizoz. Capdevila e Pandiani tiveron os primeiros balóns de perigo nas súas botas, Rubén tomouse unha especie de desquite que terminou en saque de esquina. O Deportivo, infestado de baixas, especialmente en defensa non pasou con todo, demasiados apuros ante un Espanyol insistente.
Pero cando un equipo non ten perigo de face a porta, polo menos aparentemente, deixa que o rival se confíe e acábao pagando. Luís García foi o encargado de facer o primeiro gol ao fío do descanso. Caparrós reaccionou, e no segundo tempo sacou a Rubén para meter a Tristán. Tamén entrou Gallardo.
O resultado foi igual que na primeira parte, aínda que polo menos, o Deportivo tivo máis o balón. Pero no fútbol o que importa é o gol. E por fin chegou. E coa marca da casa. Iván Carril, marcou e aos 20 minutos deu o balón a Tristán para dar a volta ao marcador e a vitoria ao Deportivo.
