-Foto:@https://x.com/AUFfemenino
A xogadora do Dépor ABANCA Espe Pizarro (na foto principal sentada a primeira futbolista empezando pola dereita) está concentrada coa selección uruguaia con motivo da Copa América que se xoga en Ecuador.
O combinado caeu por 5-1 ante Brasil, a gran favorita ao título, en semifinais coa futbolista branquiazul no once inicial.
Agora toca pelexar pola medalla de bronce ante Arxentina. O encontro será este venres 1 de agosto no Estadio Rodrigo Paz Delgado ás 21:00 (hora local, 3:00 do sábado 2 de agosto en Galicia).
Uruguaias e arxentinas víronse as caras na Primera Fase nun partido que acabou con triunfo de Arxentina.
Espe Pizarro foi titular no citado choque ante Arxentina, Perú e Chile; e non xogou ante Ecuador no partido co que arrincou Uruguai o torneo.
O calendario de Uruguai nesta Copa América, cos resultados dos xa xogados, é o seguinte:
Primera Fase
Venres 11 de xullo
ECUADOR 2 - URUGUAI 2
Martes 15 de xullo
URUGUAI 0 - ARXENTINA 1
Venres 18 de xullo
URUGUAI 1 - PERÚ 0
Venres 25 de xullo
CHILE 0 - URUGUAI 3
Semifinal
Martes 29 de xullo
BRASIL 5 - URUGUAI 1
Final de consolación
Venres 1 de agosto
21:00 (hora local, 3:00 do sábado 2 de agosto en Galicia): URUGUAI - ARXENTINA, no Estadio Rodrigo Paz Delgado
