Manuel Suárez, presidente da pena deportivista Super Depor Londres, Piño Olalla, secretario da mesma e varios integrantes da agrupación branquiazul londiniense, tanto de orixe española como británico, están na Coruña para animar ao equipo a tentar remontar a eliminatoria.
A pasada semana os membros desta pena, así como da outra agrupación deportivista londiniense, recibiron aos representantes do club branquiazul na sede das súas Penas e acompañaron ao equipo en Highbury no partido de ida ante o Arsenal.
Unha semana máis tarde están na cidade herculina co ánimo de ver ao seu equipo "marcar o 4-0 aos gunners". "Pero temos que animar todos". Derek, un inglés encantador membro da Pena Super Depor afirma apostar bastantes libras en Londres polo Deportivo (as apostas está 40 a 1). Ningún dos deportivistas británicos perde a esperanza. Algúns deles insiste en que queren ir a Parma en cuartos de final. Hoxe irán ao partido a dar ánimos ao seu equipo. "Temos que apoiar todos" din, e para dar exemplo quedarán ata o luns na cidade herculina para animar ao Deportivo ante a Valencia.
Todo un exemplo. Todo esperanza. Todo deportivismo.
