Un exercicio táctico no campo 3 da Cidade Deportiva de Abegondo foi a tarefa principal do Dépor esta mañá, despois dunha activación con rondos.
Están con adestramento personalizado Lucas Pérez e Mella; mentres que Rubén foi o representante de #ANOSACANTEIRA.
En rolda de prensa, Iván Barbero explicou que ambos atacantes "están a facer un traballo distinto ao do grupo. Creo que van estar dispoñibles para esta xornada", en referencia ao partido deste sábado 16 de marzo ás 18:00 en ABANCA-RIAZOR (TVG-2 e FEF TV) ante o CE Sabadell FC.
O dianteiro deportivista admite que "son dous xogadores desequilibrantes arriba, que marcan diferenzas. Necesitámolos sobre todo no estado de forma no que están".
Mañá venres, o Dépor adestrarase de novo a partir das 11:00 na Cidade Deportiva.
