O Dépor encara o seu segundo amigable de pretemporada, este sábado 26 de xullo ás 20:00 no Couto (YouTube RC Deportivo) ante o Ourense CF.
A pretemporada sobe de nivel posto que neste caso o rival pasa de ser unha Tercera Federación como a SD Compostela a ser un Primera Federación.
Para iso, Antonio Hidalgo dispuxo este venres 25 un partido once contra once no campo 2 da Cidade Deportiva.
O técnico deportivista segue incidindo nos seus consignas tácticas que quere ir implementando co paso dos días.
Están con adestramento personalizado Ximo Navarro, Luis Chacón e Yeremay; mentres que Jose Ángel fai traballos co grupo e tarefas co readaptador.
Bouldini estivo de permiso para arranxar a documentación necesaria para viaxar a Inglaterra a próxima semana.
O fabrilista Damián Canedo sumouse ao primeiro equipo despois de ter tamén minutos de xogo en Santiago ante a SD Compostela o pasado mércores.
Este sábado, Os Nosos adestraranse a partir das 10:30 en Abegondo antes de partir á primeira hora da tarde a Ourense.
